SESORAH BAB PEPISAHAN
Assalamu’alaikum Wr.Wb.
Ingkang kinurmatan panjenenganipun Kepala SMP N 1 TAYU.
Bapak/Ibu guru, lan staf Tu ingkang kula kurmati.
Kanca-kanca lan adhik-adhik kelas ingkang kula tresnani.
Sakderengipun sumangga kula lan panjenengan sedaya ngaturaken
puji syukur dhumateng Gusti ingkang Maha Agung lan tansah paring nikmat lan
rahmat saengga kula lan panjenengan sedaya taksih saged pados ilmu kawruh.
Jumeneng kula wonten ngajengipun panjenengan sedaya kagem
ngaturaken bab pepisahan.
Kula minangka sesulih saking siswa kelas IX, ngaturaken
agunging panuwun ingkang tanpa upami dhumateng Bapak Ibu Guru, awit saking katresnan
anggenipun nggulawentah dhumateng kula sakanca, saengga saged ngrampungaken
kewajiban anggen kula sakanca ngangsu kawruh wonten ing pawitan menika.
Kula sakanca naming saged memuji, mugi-mugi sedaya amal lan
kesaenan Bapak Ibu Guru pikantuk piwales saking Gusti Allah ingkang Maha Agung,
saha tansah pinaringan kasarasan, kawilujengan lan ketentreman saengga saged
nggulawentah dhateng adhik-adhik sedaya ngantos dumugi paripurna kanthi biji
ingkang maremaken.
Menika ingkang saged kula aturaken babagan pepisahan. Sumangga
para rawuh sedaya sabibaripun adicara punika saged tansah migunani piyambak-piyambak.
Mbokbilih wonten klenta-klentunipun atur kula nyuwun agunging pangabsami.
Wassalamu’alaikum Wr.Wb.
Tidak ada komentar:
Posting Komentar